Pantagruel. Roy des dipsodes, restitué à son naturel avec ses faictz et prouesses espouvantables

Si vous me dictes : "Maistre, il sembleroit que ne feussiez grandement saige de nous escrire ces balivernes et plaisantes mocquettes", je vous responds, que vous ne l'estes gueres plus de vous amuser à les lires. Toutesfoys sy pour passe temps joyeulx les lisez, comme passant temps les escripvoys, vous et moy somme plus dignes de pardon qu'un grand tas de sarrabovittes, cagotz, escargotz, hypocrites, caffars, frappars, botineurs, et aultres telles sectes de gens, qui se sont desguisez comme masques pour tromper le monde.